இலங்கை மற்றும் பங்களாதேஷ் அணிகளுக்கு இடையிலான 3 ஆவதும் இறுதியுமான ஒருநாள் கிரிக்கெட் போட்டியில் பங்களாதேஷ் அணி 4 விக்கெட் வித்தியாசத்தில் வெற்றிபெற்றது.
பங்களாதேஷின் சட்டோகிராம் மைதானத்தில் இடம்பெற்ற குறித்த போட்டியில் நாணய சுழற்சியில் வெற்றிபெற்ற இலங்கை அணி முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய இலங்கை அணி 50 ஓவர்கள் நிறைவில் சகல விக்கெட்டுகளையும் இழந்து 235 ஓட்டங்களை பெற்றுக்கொண்டது.
துடுப்பாட்டத்தில் இலங்கை அணியில் சார்பில் ஜனித் லியனகே சதம் கடந்து 101 ஓட்டங்களை பெற்றுக்கொடுத்தார்.
பந்துவீச்சில் டஸ்கின் அஹமட் 3 விக்கெட்டுகளை கைப்பற்றினார்.
இந்தநிலையில் 236 எனும் வெற்றி இலக்கை நோக்கி பதிலுக்கு துடுப்பெடுத்தாடிய பங்களாதேஷ் அணி 40.2 ஓவர்கள் நிறைவில் 6 விக்கெட்டுகளை இழந்த நிலையில் வெற்றி இலக்கை கடந்தது.
இதற்கமைய 3 போட்டிகள் கொண்ட ஒருநாள் தொடரை 2 – 1 எனும் அடிப்படையில் பங்களாதேஷ் அணி கைப்பற்றியுள்ளமை குறிப்பிடத்தக்கது.
