இலங்கையில் முன்பள்ளி ஆசிரியர்களுக்கு மானிய வட்டி விகிதத்தில் கடன் வழங்குவதற்கு நடவடிக்கை எடுத்து வருவதாக சமூக வலுவூட்டல் இராஜாங்க அமைச்சர் அனுப பெஸ்குவல் குறிப்பிட்டுள்ளார்.
சமுர்த்தி வங்கியின் ஊடாக கடன் வழங்கப்படவுள்ளதாக அமைச்சர் மேலும் குறிப்பிட்டார்.
இதன் முன்னோடி வேலைத்திட்டம் களுத்துறை மாவட்டத்தில் ஆரம்பிக்கப்படவுள்ளது.
சமூக சேவைகள் அமைச்சில் புதிய கூட்டணியின் தொழிற்சங்கத்தின் தலைவரும் பாலர் சங்கத்தின் தலைவருமான அசங்க ஸ்ரீநாத் மற்றும் களுத்துறை மாவட்ட முன்பள்ளி ஆசிரியர் சங்கப் பிரதிநிதிகளுடன் இடம்பெற்ற கலந்துரையாடலில் அமைச்சர் இதனைக் குறிப்பிட்டுள்ளார்.
