முல்லைத்தீவில் குப்புற கவிழ்ந்த பொலிஸ் ஜீப்

முல்லைத்தீவு – முள்ளியவளை பொலிஸ் நிலையத்துக்கு சொந்தமான பொலிஸ் ஜீப் ஒன்று வீதியில் வேகக் கட்டுப்பாட்டை இழந்து தடம் புரண்டுள்ளது.

நேற்று (11) மாலை இந்த விபத்து இடம்பெற்றுள்ளது.

மாங்குளத்தில் இருந்து ஒட்டுச்சுட்டான் நோக்கி பயணித்த குறித்த பொலிஸ் ஜீப் ஒன்று தச்சடம்பன் பகுதியில் வேக கட்டுப்பாட்டை இழந்து வீதியினை விட்டு விலகி தடம் புரண்டுள்ளது.

இதன் போது சாரதி சிறு காயங்களுக்கு உள்ளாகியுள்ளார்.

சம்பவம் தொடர்பாக மாங்குளம் பொலிஸார் விசாரணைகளை மேற்கொண்டு வருகின்றனர்.