பங்களாதேஷில் பாரிய தீ விபத்து: 43 பேர் பலி

பங்களாதேஷில் தொடர்மாடி கட்டிடம் ஒன்றில் ஏற்பட்ட திடீர் தீப்பரவல் காரணமாக சுமார் 43 பேர் உயிரிழந்துள்ளனர்.

தலைநகர் டாக்காவில் உள்ள விருந்தகம் ஒன்றில் ஏற்பட்ட தீப்பரவல் பின்னர் தொடர்மாடிக் கட்டிடத்திற்கு பரவியுள்ளதாக அந்த நாட்டு ஊடகங்கள் தெரிவித்துள்ளன.

சிறுவர்கள் மற்றும் பெண்களே அதிகளவில் உயிரிழந்ததாக குறிப்பிடப்படுகின்றது.

அத்துடன் பலர் காயமடைந்த நிலையில், வைத்தியசாலையில் அனுமதிக்கப்பட்டுள்ளனர்.

அவர்களின் பலரது நிலைமை கவலைக்கிடமாக உள்ளதாக பங்களாதேஷ் ஊடகங்கள் தெரிவிக்கின்றன.

தீயணைப்பு படையினரினால் பல மணித்தியாலங்களுக்கு பின்னர் தீப்பரவல் கட்டுப்பாட்டுக்குள் கொண்டுவரப்பட்ட நிலையில், மீட்பு பணிகள் முன்னெடுக்கப்பட்டு வருகின்றன.